Tacikistan və İran sahibkarları arasında istehsal və emal sahələrində əməkdaşlıq haqqında sazişlər imzalanıb.

İqtisadiyyat.az xəbər verir ki, bu barədə Düşənbə şəhərinin meri Rüstəm Emomalinin mətbuat xidməti məlumat yayıb.

Məlumata görə, sənədlər kimya, tekstil, tikinti məhsulları və dərmanların emalı və istehsalı sahəsində əməkdaşlığa aiddir.

Bildirilib ki, özəl sektor nümayəndələri arasında ikitərəfli əlaqələrin gücləndirilməsi məqsədilə bir sıra tədbirlər və dialoqlar keçirilib, bu tədbirlər zamanı İran və Tacikistan nümayəndələri arasında əməkdaşlıq haqqında müqavilələr imzalanıb.

 

Gözəl Həşimova