Şuşa şəhərinin əsas enerji təchizatının ən etibarlı və müasir formada qurulması məqsədilə daha bir yeni transformator məntəqəsi tikiləcək.

İqtisadiyyat.az xəbər verir ki, "Azərişıq" ASC bununla bağlı hazırlıqlara başlayıb.

Məntəqə şəhərin Qarabağ küçəsində inşa olunacaq.

Belə ki, 35/0,4 kV-luq 4x2500 kVA gücündə transformator məntəqəsinin tikintisi və 35 kV-luq şəbəkə ilə əlaqələndirilməsi işlərini "Smart Energy Services" şirkəti həyata keçirəcək.

"Azərişıq" bunun müqabilində şirkətə 3,2 milyon manat vəsait ödəyəcək.