Şuşa şəhərində Şuşa Real Məktəbinin binasının bərpasına 18 milyon manat sərf olunacaq.
İqtisadiyyat.az-ın əldə etdiyi məlumata görə, təmir-bərpa işlərinin sifarişçisi Elm və Təhsil Nazirliyidir.
Bərpa işlərini "CONCO" inşaat şirkəti həyata keçirəcək və Nazirlik bunun müqabilində şirkətə 18.046.872,69 manat ödəniş edəcək.
Qeyd edək ki, "CONCO" MMC Azərbaycan tikinti sektorunda 2015-ci ilin mart ayından fəaliyyətə başlayıb.
Xatırladaq ki, Prezident İlham Əliyev ötən ilin may ayında Şuşa şəhərində Şuşa Real Məktəbinin binasının layihələndirilməsi və bərpası ilə bağlı tədbirlər haqqında sərəncam imzalayıb.
Sərəncama əsasən, Şuşa şəhərində Şuşa Real Məktəbinin binasının layihələndirilməsi və bərpası məqsədilə Azərbaycanın 2022-ci il dövlət büdcəsində işğaldan azad olunmuş ərazilərin yenidən qurulması və bərpası üçün nəzərdə tutulan vəsaitdən Təhsil Nazirliyinə ilkin olaraq bir milyon manat ayrılıb.
