"Suriyanın Səudiyyə Ərəbistanındakı səfirliyi öz işini bərpa edib".

İqtisadiyyat.az xəbər verir ki, bu barədə Suriyanın hökumət qəzeti "Al Vatan" məlumat yayıb.

Qəzetin sözlərinə görə, Dəməşqin krallıqdakı yeni diplomatik nümayəndəsi Əhsən Ruman şənbə günü Ər-Riyada gəlib: 
"Ər-Riyaddakı səfirlik indi bütün suriyalılar və Səudiyyə Ərəbistanındakı suriyalı diaspora nümayəndələri üçün evə çevriləcək. Lakin diplomatik missiyanın 10 ildən artıqdır bağlandığını nəzərə alsaq, səfirliyin rəsmi açılışı bizdən müəyyən səy tələb edəcək. Biz həmvətənlərimizi qəbul etmək üçün ən qısa zamanda səfirliyin qapılarını açmağa çalışacağıq, onlar üçün pasportların alınması və nümayəndəliyimizin konsulluq funksiyaları ilə bağlı xidmətləri göstərməyə hazır olacağıq”.

Qəzet qeyd edir ki, Suriya prezidenti Bəşər Əsəd Ər-Riyadın Dəməşqdəki diplomatik missiyası ilə bağlı oxşar qərarını elan etməsindən saatlar sonra, 9 may 2023-cü ildə Ərəbistandakı səfirliyini yenidən açmaq qərarına gəlib.

Sentyabrın 20-də “Əl-Əhbar” qəzeti mənbələrə istinadən xəbər verib ki, Səudiyyə Ərəbistanı və Suriya Ər-Riyad və Dəməşqdəki səfirliklərdə çalışacaq diplomatların namizədliyi ilə bağlı razılığa gəliblər və tezliklə diplomatik missiyaların işini bərpa edə bilərlər.