İqtisadiyyat.az xəbər verir ki, bu barədə Suriyanın rəsmi xəbər agentliyi "SANA" məlumat yayıb.

Qeyd edilib ki, razılaşma çərçivəsində iki ölkə arasında hərbi koordinasiya və əməkdaşlığın artırılmasına qərar verilib.

Məlumata görə, Livan və Suriyanın müdafiə nazirləri telefonla danışıqlar aparıblar. Görüşdə iki ölkə arasında sərhəd bölgələrində baş verən insidentlər müzakirə edilib və tərəflər atəşkəs barədə razılığa gəliblər.

Həmçinin iki ölkə sərhədində vəziyyətin pisləşməsinin qarşısını almaq üçün Livan və Suriya ordularının kəşfiyyat bölmələri arasında əlaqənin davam etdirilməsi ilə bağlı razılıq əldə olunub.

 

Gözəl Azadəliyeva