Araşdırma nəticəsində məlum olub ki, süni intellektlə yazılan xəbərlər oxucular tərəfindən daha çətin başa düşülür.

İqtisadiyyat.az xəbər verir ki, bununla bağlı Almaniyanın Lüdviq Maksimilian Universitetinin alimləri tərəfindən aparılan araşdırmada qeyd olunub.

Məlumata görə, bu, jurnalistlərin yazdığı mətnlərlə süni intellekt tərəfindən hazırlanan mətnlərin müqayisəli şəkildə araşdıran ilk tədqiqatdır.

Oktyabrın 22-də dərc olunan araşdırmada Böyük Britaniyanın internet saytlarında müntəzəm olaraq xəbərləri oxuyan ən azı 3000 insan iştirak edib. İştirakçılar yarısı süni intellekt, yarısı isə jurnalistlər tərəfindən yazılmış 24 mətndən birini qiymətləndiriblər.

Araşdırmanın aparıcı müəllifi bildirib ki, oxucular süni intellektlə yazılmış xəbər mətnlərini daha az başa düşülən hesab edirlər. Qeyd edilib ki, bəzi süni intellekt mətnləri jurnalistlər tərəfindən düzəldilsə də, nəticə dəyişməyib.

Süni intellektlə hazırlanan mətnlərin daha çətin başa düşülməsinin səbəblərindən biri də söz seçimidir.

 

Gözəl Həşimova