"Google" öz biznes istiqamətini dəyişdirmək və ya süni intellekt alətlərinin tətbiqi ilə avtomatlaşdırılmış satış departamentinin bir hissəsini ixtisar etmək imkanını nəzərdən keçirir.
İqtisadiyyat.az xəbər verir ki, bu barədə şirkət məlumat yayıb.
Bu ilin əvvəlində "Google" reklam şirkətləri ilə əlaqələri yaxşılaşdırmaq üçün "süni intellektə əsaslanan reklamın yeni erası"na start verib.
Məlumata görə, "Google"un reklam bölməsində hazırda təxminən 30 min işçi çalışır. Süni intellektə əsaslanan bir sıra alətlərin istifadəyə verilməsindən sonra bu işçilərə ehtiyac kəskin azalacaq.
Bildirilib ki, uzunmüddətli perspektivdə işçilərin süni intellektlə əvəzlənməsi "Google"un mənfəətini artırmağa kömək edəcək.
Gözəl Həşimova
