"Dünyada məşğulluğun demək olar ki, 40%-i süni intellektə məruz qalır".

İqtisadiyyat.az xəbər verir ki, bu barədə Beynəlxalq Valyuta Fondunun (BVF) icraçı direktoru Kristalina Georgiyeva məlumat açıqlayıb.

Onun sözlərinə görə, süni intellektin gələcək inkişafı iş yerlərinin azalmasına, eləcə də dünyada bərabərsizliyin artmasına səbəb ola bilər:

"Süni intellekt dünyada iş yerlərinin təxminən 40%-nə təsir edəcək. Onun potensialından istifadə etmək üçün ağıllı siyasət balansına ehtiyacımız var. Biz məhsuldarlığı artıra, qlobal iqtisadi artımı sürətləndirə və gəlirləri artıra biləcək texnoloji inqilabın astanasındayıq. Bununla belə, bu, həm də iş yerlərinin itirilməsinə və bərabərsizliyin artmasına səbəb ola bilər”.

 

Gözəl Həşimova