Sumqayıt şəhərində yanğınlar baş verib. 

İqtisadiyyat.az xəbər verir ki, hadisə şəhərin müxtəlif yerlərində qeydə alınıb.

21-ci mikrorayon ərazisində Sumqayıt şəhər sakini, 2000-ci il təvəllüdlü Məmmmədov Qasım Pərviz oğluna məxsus ümumi sahəsi 60 kv.metr olan mənzildə və "Yaşma bağları"nda 1971-ci il təvəllüdlü Fərzəliyev Novruz Xanəhməd oğluna məxsus ümumi sahəsi 70 kv.metr olan fərdi yaşayış evində yanğınlar qeydə alınıb.

Daha sonra yanğın evin yaxınlığında olan tikiliyə keçib.

Hər 2 yanğın yerinə FHN-nin Dövlət Yanğından Mühafizə Bölmələrinin əməkdaşları və texnikaları cəlb olunub.

Yanğının ətraf evlərə keçməsinin qarşısı alınıb və söndürülüb.

Yanğının səbəbi araşdırılır.