Logo

Spirt, tündləşdirilmiş içkilər və konyak üçün aksiz vergisi artırılır


Spirt, tündləşdirilmiş içkilər və konyak üçün aksiz vergisinin dərəcəsi hər litr üçün 0,80 manat artırılacaq.

Bununla bağlı Vergi Məcəlləsinə dəyişiklik təklif olunur.

Hazırda qüvvədə olan Məcəlləyə əsasən, içməli spirt (o cümlədən tərkibində 80 %-dən az spirt olmayan denaturlaşdırılmamış etil spirti; tərkibində 80 %-dən az spirt olan denaturlaşdırılmamış etil spirti), araq (vodka), tündləşdirilmiş içkilər və tündləşdirilmiş içki materialları, likyor və likyor məmulatları, konyak və konyak materiallarının hər litri 3,2 manat təşkil edir.

Artımdan sonra bu məbləğ 4 manat təşkil edəcək.

Vergi Məcəlləsinə dəyişikliklər 2022-ci ilin yanvarın 1-dən qüvvəyə minir.

2021-11-03 12:20:00 1575
Teqlər: