Beynəlxalq reytinqi agentliyi "Standard & Poor's" (S&P) geosiyasi riskin artması səbəbindən İsrailin kredit reytinqini "AA-"dən "A+"a endirib.
İqtisadiyyat.az xəbər verir ki, bu barədə qurum məlumat yayıb.
Məlumata görə, ölkənin reytinq proqnozu isə "mənfi" olaraq təsdiqlənib.
Bəyanatda qeyd olunub ki, son vaxtlar İranla qarşıdurmaların artması İsrail üçün yüksək geosiyasi riskləri daha da artırıb. Buna baxmayaraq, daha geniş regional münaqişənin qarşısının alınacağı gözlənilsə də, münaqişələrin bu il davam edəcəyi proqnozlaşdırılır.
Bildirilib ki, İsrailin ümumi büdcə kəsiri, əsasən müdafiə xərclərinin artması nəticəsində bu il ümumi daxili məhsulunun (ÜDM) 8%-nə yüksələcək. Bundan əlavə, agentlik bu il İsrail iqtisadiyyatının 0,5% böyüyəcəyini proqnozlaşdırır.
Qeyd edək ki, ölkə iqtisadiyyatı ötən ilin son rübündə 5,7% kiçilib.
Gözəl Həşimova
