Sosial şəbəkələrdə saxta profillərlə bağlı qanunvericiliyə dəyişiklik təklif olunub.
Hüquqşünas Ellada Bayramova İqtisadiyyat.az-a açıqlamasında bu təkliflə çıxış edib.
Onun sözlərinə görə, saxta profillər vasitəsilə sosial şəbəkələrdə insanların inamından, etibarından su-istifadə edənlərin sayı artmaqdadır. Hüquqşünas deyib ki, bütün hallarda yardım adı ilə insanlardan pul almaq dələduzluqdur:
"Hətta bəzi profillər açıq şəkildə məhz pul yardımı istəyir. Təəssüf ki, ölkəmizdə sosial şəbəkələrlə bağlı qanunvericilik aktiv deyil. Ona görə də saxta profillərlə bağlı dələduzluq hallarında lazımi səviyyədə hüquqi xidmət göstərmək mümkün deyil. Bu baxımdan qanunvericilikdə müəyyən dəyişikliklər edilməli və sosial media dələduzlarına qarşı mübarizə aparılmalıdır. Bundan başqa, insanlar saxta yardım elanlara baş qoşmamalıdır. Qanunvericiliyin bu məsələni ciddi nəzarətə götürməyinə ehtiyac var. Əgər ciddi mübarizə aparılarsa, İP adresi vasitəsilə həmin dələduzları ifşa etmək mümkündür".
Gülşən Şərif
