Yaponiyanın “Sony” şirkəti birinci maliyyə rübündə xalis mənfəətini 6,5% artıb ki, bu da bazar proqnozlarından daha yaxşı olub.

İqtisadiyyat.az xəbər verir ki, bu barədə şirkətin press-relizində deyilir.

Məlumata görə, şirkətin ötən rübdə xalis mənfəəti 231,64 milyard yen (1,6 milyard dollar) təşkil edib.

Birinci maliyyə rübündə “Sony”nin əməliyyat mənfəəti 10,3% artaraq 279,1 milyard yen, gəliri isə 1,6% artaraq 3,012 trilyon yen olub.

“Sony” 2025-ci ilin martında başa çatacaq cari maliyyə ili üçün xalis mənfəət proqnozunu artırıb. Şirkət bu rəqəmin 1% artaraq 980 milyard yenaya çatacağını gözləyir.

“Sony” bu maliyyə ilində əməliyyat mənfəətinin 8,4% artacağını, gəlirinin isə 3,2% azalacağını proqnozlaşdırır.

Şirkətin səhmləri çərşənbə günü ticarətin bağlanışında 0,6% ucuzlaşıb. Bu ilin əvvəlindən isə onların dəyəri 8,7% azalıb.

 

Sadiq Cavadov