Ötən il ərzində daşıyıcıya məxsus standartlara uyğun 1 qaraj istifadəyə verilib. Hazırda standartlara uyğun 9 qaraj fəaliyyət göstərir ki, bunun da 2-si dövlətə, 7-si daşıyıcılara məxsusdur.
İqtisadiyyat.az xəbər verir ki, bununla bağlı məlumat Nazirlər Kabinetinin 2022-ci il fəaliyyəti haqqında hesabatında qeyd olunub.
“Sərnişindaşıma sahəsində xidmət keyfiyyətinin artırılması məqsədilə avtobus parkının yenilənməsi işləri hesabat ilində də davam etdirilib. 170-i dövlət, 85-i daşıyıcılar tərəfindən olmaqla ümumilikdə 255 ədəd avtobus ölkəyə gətirilib. Bununla da, son 7 il ərzində avtobus parkının yenilənməsi 61% təşkil edib”, - deyə hesabatda bildirilib.
