Quraqlıq su çatışmazlığı ilə nəticələnən yağıntıların olmaması ilə xarakterizə olunan təbii fəlakətdir. Bu fəlakət səhiyyə, kənd təsərrüfatı, iqtisadiyyat, enerji və ətraf mühitə ciddi təsir göstərir.

İqtisadiyyat.az dünyada quraqlığın təsiri ilə bağlı araşdırma aparıb.

Araşdırmalara görə, qlobal miqyasda təqribən 55 milyon insan hər il quraqlıqdan təsirlənir. Bu fəlakət dünyanın demək olar ki, hər bölgəsində heyvandarlıq və əkinçilik üçün ən ciddi təhlükədir. İqlim dəyişikliyinin səbəb olduğu quraqlıq xəstəlik və ölüm riskini artırır, kütləvi miqrasiyaya təkan verir. Su qıtlığı dünya əhalisinin 40%-nə təsir edir və 2030-cu ilə qədər 700 milyona yaxın insan quraqlıq nəticəsində evlərini tərk etmək riski altındadır.

Son 10 il ərzində bütün fəlakətlərin 80-90%-i daşqın, quraqlıq, tropik siklonlar, istilik dalğaları və şiddətli tufanlar nəticəsində baş verib.

Təkcə 2023-cü ildə dünya üzrə quraqlıqdan zərər çəkən, yaralanan və ya evsiz qalan insanların sayı təxminən 29,4 milyon nəfər təşkil edib. Son üç onillikdə quraqlığın qlobal təsiri 2002 və 2016-cı illərdə ən yüksək səviyyəyə çatıb.

Məlumata görə, dünyada 1990-2023-cü illərdə təxminən 1,9 milyard insan quraqlıqdan əziyyət çəkib:

Qeyd edək ki, Somali 2024-cü ildə dünya üzrə quraqlıq riskinə ən çox məruz qalan ölkə olub. Həmin il dünyada quraqlıq təhlükəsinə ən çox məruz qalan 10 ölkədən beşi Afrikada yerləşir.

Gözəl Həşimova