Bu gün istehsal edilən qızılın əksəriyyəti zərgərlik məmulatlarının istehsalına gedir. Lakin qızıl eyni zamanda kompüterlərdə, rabitə avadanlıqlarında, kosmik gəmilərdə, reaktiv təyyarə mühərriklərində və bir sıra digər məhsullarda mühüm funksiyaları yerinə yetirən vacib sənaye metalıdır.
İqtisadiyyat.az-ın araşdırmasına görə, qızılın qiyməti zamanla çox dəyişib. Belə ki, tələb və təklif, faiz dərəcələri və bazar dəyişkənliyi kimi amillər qızılın qiymətinin dəyişməsinə səbəb olur.
Qlobal koronavirus (COVID-19) pandemiyasının iqtisadi təsirləri səbəbindən investorlar təhlükəsiz sığınacaq axtardıqları üçün qızılın orta qiyməti 2020-ci ildə yeni rekorda çatıb.
Daha sonra da qızıl bahalaşmaqda davam edib. 2024-cü ildə bir troy unsiya qızılın orta illik qiyməti 2,388,98 ABŞ dolları təşkil edib.
Araşdırmalara görə isə son 10 ildə qızılın qiyməti sürətlə artıb:
|
İl |
Qızılın unsiya qiyməti |
|
2015 |
1158,8 dollar |
|
2016 |
1,251,9 dollar |
|
2017 |
1260,3 dollar |
|
2018 |
1268,9 dollar |
|
2019 |
1 393,3 dollar |
|
2020 |
1 773,7 dollar |
|
2021 |
1,798,8 dollar |
|
2022 |
1801,8 dollar |
|
2023 |
1,943 dollar |
|
2024 |
2,388,9 dollar |
|
2025 |
3,021.3 dollar |
Məlumata görə, bu ilin əvvəlindən bəri qızılın qiyməti 13,4% artıb.
Qeyd edək ki, ötən il ABŞ 8000 tondan çox qızıl ehtiyatı ilə dünyanın ən böyük qızıl ehtiyatına sahib ölkəsi olub. Ən çox qızıl ehtiyatı olan növbəti üç ölkə müvafiq olaraq 3,355 metrik ton, 2,452 metrik ton və 2,437 metrik ton qızıla malik Almaniya, İtaliya və Fransadır.
Araşdırmalara görə, ən çox qızıl ehtiyatına malik 10 ölkə bunlardır:
- ABŞ: 8,133 ton (480,84 milyard dollar)
- Almaniya: 3,355 ton (198,35 milyard dollar)
- İtaliya: 2,452 ton (144,97 milyard dollar)
- Fransa: 2,437 ton (144,08 milyard dollar)
- Rusiya: 2,299 ton (135,92 milyard dollar)
- Çin: 1948 ton (115,17 milyard dollar)
- İsveçrə: 1040 ton (61,49 milyard dollar)
- Yaponiya: 846 ton (50,02 milyard dollar)
- Hindistan: 785 ton (46,41 milyard dollar)
- Hollandiya: 612 ton (36,18 milyard dollar)
Dünya ölkələri yüz illərdir ki, qızıldan öz valyutalarının dəyərini qorumaq üçün fiziki aktiv kimi istifadə edirlər.
Gözəl Azadəliyeva
