Somali hakimiyyəti 10 il ərzində onlara təhlükəsizlik və demokratiya islahatları ilə bağlı məsləhətlər verən BMT-nin siyasi missiyasının dayandırılmasını tələb edib.

İqtisadiyyat.az xəbər verir ki, bu barədə "Reuters" agentliyi Somali XİN rəhbərinin BMT Təhlükəsizlik Şurasına ünvanlanmış məktubuna istinadən xəbər verir. 

Somalinin xarici işlər naziri Əhməd Moalim Fiqi məktubda səbəbləri açıqlamayıb və hökumətin tərəfdaşlığın növbəti mərhələsinə keçməyi məqsədəuyğun hesab etdiyini bildirib. Somali prezidentinin müşaviri agentliyə məlumatın həqiqiliyini təsdiqləyib və bildirib ki, Somalinin artıq BMT-nin dəstəyinə ehtiyacı yoxdur: "Missiya həlledici rol oynadı, lakin indi o, öz məqsədini tamamlayıb". 

Agentliyin məlumatına görə, missiyanın 360 üzvünün geri çağırılması tələbi onları təəccübləndirib, çünki missiyanın müddəti oktyabrda başa çatmalı idi. Afrika Birliyinin ən azı 10 000 əsgərdən ibarət təhlükəsizlik missiyası da ilin sonuna qədər başa çatmalıdır. Ölkə hökuməti ilə razılaşmaya əsasən, bütün hərbi obyektlər onların sərəncamına verilməlidir.

Eyni zamanda, BMT-nin digər bölmələri, o cümlədən humanitar agentliklər də Somalidə fəaliyyətini davam etdirir.