Almaniya öz ərazisində kəşfiyyat fəaliyyətini qəbul etmir.
İqtisadiyyat.az xəbər verir ki, bunu Almaniya kansleri Olaf Şolts Rusiya xüsusi xidmət orqanları ilə əməkdaşlıq etdiyi iddia edilən iki vətəndaşa qarşı şübhələrlə bağlı sualı cavablandırarkən deyib.
"Biz Almaniyada bu cür casusluq fəaliyyətinin olmasını heç vaxt qəbul etməyəcəyik, buna görə də onları aşkar etmək üçün qoruyucu mexanizmlərimiz var", - deyə kansler Brüsseldə keçirilən Aİ sammitindən sonra jurnalistlərə bildirib.
Kanslerdən Almaniyanın bu hadisəyə cavab verib-verməyəcəyi də soruşulub: "Biz həmişə belə şeylərə reaksiya veririk. Bizim əsas vəzifəmiz bu cür fəaliyyətlərin uğur qazanmaması üçün mümkün qədər hərtərəfli mübarizə aparmağa çalışmaqdır".
