Almaniya kansleri Olaf Şolts 2024-cü ildə Avropa ölkələrinin Ukraynaya planlaşdırdığı yardımı qeyri-kafi adlandırıb və onlardan Kiyevə daha çox dəstək vermələrini xahiş etdiyini bildirib.
İqtisadiyyat.az xəbər verir ki, bu barədə hökumət başçısı "Die Zeit" qəzetinə müsahibəsində deyib.
"Avropa dövlətlərinin 2024-cü il üçün indiyədək təmin etdiyi məbləğlər hələ kifayət qədər böyük deyil. Avropa hər bir ölkənin hansı töhfə verə biləcəyini müzakirə etməlidir ki, dəstəyi əhəmiyyətli dərəcədə genişləndirək. Bu baxımdan, mən həmkarlarımla telefon danışıqları aparıram və onlardan daha çox iş görmələrini xahiş edirəm", - Şolts bildirib.
Kansler iddia edib ki, Ukrayna hər cür müdafiə qabiliyyətinə malik olmalıdır: "Və bu, hava hücumundan müdafiə, artilleriya, tank və ya sursat çatışmazlığı səbəbindən uğursuz olmamalıdır. Mən qəti şəkildə inanıram ki, Avropa Ukraynanı dəstəkləmək üçün daha çox iş görməlidir".
