Günəş enerjisi üçün avadanlıq istehsal edən İsrailin “SolarEdge Technologies” şirkəti 400-ə yaxın əməkdaşını (7%) ixtisar etməyi planlaşdırır.
İqtisadiyyat.az bu barədə şirkətin mətbuat xidmətinə istinadən xəbər verir.
Bildirilir ki, bu qərarın səbəbi əsasən Avropa bazarının zəifliyi ilə bağlı gəlirlərin azalması olub.
Qeyd olunur ki, təxminən 200 işçi İsraildə, digərləri isə başqa ölkələrdə ixtisar ediləcək.
“SolarEdge” səhmləri bazar öncəsi ticarətdə 8,1% ucuzlaşıb. İlin əvvəlindən şirkətin kapitallaşması 66% azalaraq 1,8 milyard dollar təşkil edib.
