Slovakiya yalnız Qərbin Ukraynaya silah tədarükü ilə bağlı olmayan yardım təşəbbüslərini dəstəkləyəcək. 

İqtisadiyyat.az xəbər verir ki, bu barədə jurnalistlərə ölkənin Xarici İşlər Nazirliyinin rəhbəri Juraj Blanar NATO-nun 100 milyard avro həcmində fond yaratmaq təklifini şərh edərkən bildirib.

"Əgər biz hər hansı təşəbbüsləri dəstəkləsək, o zaman yalnız silah tədarükü ilə bağlı olmayan təşəbbüsləri dəstəkləyəcəyik, - deyə nazir bildirib. 

O qeyd edib ki, təşkilatın baş katibi Yens Stoltenberqin NATO-ya üzv dövlətlərə təklif etdiyi Ukrayna üçün fond yaratmaq planının təfərrüatları haqqında danışmaq tezdir.

Xarici İşlər Nazirliyi rəhbərinin sözlərinə görə, Slovakiya Ukraynaya hərbi yardım istisna olmaqla, bütün növ yardımları göstərib və edəcək. Respublika xüsusilə bu ölkəyə minatəmizləmə texnikası göndərib.