Böyük Britaniyanın Baş naziri Keir Starmer ölkəni bürüyən mühacirlərə qarşı iğtişaşlarla bağlı hökumətin fövqəladə komitəsinin ikinci iclasını çağırıb. 

İqtisadiyyat.az xəbər verir ki, bu barədə "Sky News" məlumat yayıb. 

Məlumata görə, görüş avqustun 6-na planlaşdırılıb.

Hökumət əvvəllər bazar ertəsi bu mövzunu müzakirə etmək üçün bir araya gəlmişdi.

"The Daily Telegraph"ın xəbərinə görə, çərşənbə günü ölkədə onlarla etiraz aksiyası keçirilə bilər. Nəşr etirazçıların qaçqınların yerləşdirilməsi üçün nəzərdə tutulan 30-a yaxın mərkəzdə cəmlənəcəyini güman edir. 

Məlumatda deyilir ki, onların siyahıları ifrat sağçı qruplar arasında yayılmağa başlayıb. Nəşrin məlumatına görə, təhlükəsizliyin təmin edilməsi üçün 2,2 minədək əlavə polis əməkdaşı ayrılıb.