Sinqapurun Baş naziri Li Hsien Loonq mayın 15-də vəzifəsini tərk edəcək və onun yerinə müavini Lourens Vonq gələcək.

İqtisadiyyat.az xəbər verir ki, bu barədə o, sosial şəbəkə hesabında bildirib.

Li Hsien Loonq Sinqapur xalqından yeni Baş nazirə tam dəstək vermələrini xahiş edib.

Öz növbəsində Lourens Vonq sosial şəbəkə hesabında Baş nazir vəzifəsini yerinə yetirməkdən şərəf duyacağını yazıb: "Mən bu məsuliyyəti təvazökarlıqla qəbul edirəm. Söz verirəm ki, bu işə bütün varlığımı verəcəyəm".

Qeyd edək ki, Li Hsien Loonq 2004-cü ilin avqustundan Sinqapurun Baş naziri vəzifəsini icra edir.