"Maliyyə uçotu yeni yarandığına görə termin bazası da bizdə tam formalaşmayıb. Ona görə də maliyyə uçotuna mühasibat uçotu deyilir. Amma bunlar bir-birindən fərqlidir. Maliyyə uçotuna mühasibat uçotu deyə bilmərik. Çünki maliyyə uçotunda maliyyə sözü bizim istifadəçilərə onları maliyyələşdirmə qərarları vermək üçün hazırlanan uçotdan gəlir. Amma mühasibat uçotunda belə bir termin yoxdur."
İqtisadiyyat.az xəbər verir ki, bu barədə "Rəqəmlərin ritmi” şüarı ilə keçirilən “Vergi və Mühasibatlıq Zirvəsi”ndə "Avrora" MMC-nin maliyyə meneceri Simnar Paşazadə maliyyə uçotunda bilinməyən səhvlər və doğrular barədə məlumat verib.
Qeyd edək ki, mühasibat uçotu maliyyə məlumatlarının çatdırılması üçün bir sistemdir. Bu sistem əməliyyatların qeydiyyatı və maliyyə hesabatlarının hazırlanmasını, firmaların maliyyə sağlamlığı ilə bağlı maliyyə hesabatlarının təhlilini ehtiva edir. Mühasiblər hadisələrin dəqiq qeyd olunmasını və maliyyə hesabatlarında şirkətin maliyyə vəziyyətini düzgün əks etdirməsini təmin etməklə vəzifələndirilirlər. Daha aydın desək, mühasibatın əsas vəzifəsi şirkətdəki bütün maliyyə hadisələrini qeydə almaq və bunun nəticəsində şirkətin mövcud maliyyə durumunu əks etdirməkdir.
