Şimali Koreya nasazlıq səbəbindən Sarı dənizə düşən hərbi casus peykinin buraxılış cəhdini ilin ilk yarısında "ən ciddi səhv" kimi qiymətləndirib.
İqtisadiyyat.az Yonhap Koreya Mərkəzi Xəbər Agentliyinə (KCNA) istinadən xəbər verir ki, buraxılışa cavabdeh olan məmurlar “sərt” tənqid edilib və uğursuzluğun səbəbinin araşdırılacağı bildirilib.
Həmçinin qeyd olunub ki, beynəlxalq qınaqlara baxmayaraq, peyk qısa müddətdə yenidən orbitə buraxılacaq.
Qeyd edək ki, komitə iclasında iştirak etdiyi deyilən Şimali Koreya lideri Kim Çen In sözügedən iclasda açıqlama verməyib.
