"Shell" şirkəti İngiltərə, Almaniya və Hollandiyada enerji ticarətindən çəkilməyə qərar verib.
İqtisadiyyat.az türk mediasına istinadən bildirir ki, bununla bağlı şirkət məlumat yayıb.
Məlumata görə, şirkət bu il etibarilə enerji ticarətinin əsas mərkəzləri olan Böyük Britaniya, Almaniya və Hollandiyadakı fəaliyyətlərinin strateji qiymətləndirilməsini tamamlayıb və şirkətdən çıxmaq qərarına gəlib.
Satış prosesinə başlayan şirkətin potensial alıcı ilə danışıqlar apardığı və yaxın aylarda razılığın əldə olunmasının hədəfləndiyi bildirilib. Bununla yanaşı, istehlakçıların sözügedən satış prosesindən təsirlənməyəcəyi vurğulanıb.
Qeyd edək ki, "Shell" şirkəti 70-dən çox ölkədə 80 mindən çox işçisi olan qlobal enerji və neft-kimya şirkətləri qrupudur. Şirkətin Böyük Britaniyada 2000 işçisi var.
