Avropanın enerji nəhəngi “Shell” uzunmüddətli müqavilə əsasında Rusiyanın “Saxalin-2” neft-qaz layihəsindən mayeləşdirilmiş təbii qaz (LNG) almağı dayandırıb.

Bundan əvvəl “Shell” ötən ilin yekunları ilə bağlı hesabat dərc etmişdi və orada Rusiya müəssisələri ilə LNG-nin tədarükünə dair hələ də iki uzunmüddətli müqavilənin olduğunu və onlardan birinin qarşı tərəfinin ilin üçüncü rübündə tədarükləri dayandırdığını bildirmişdi. Şirkət aydınlaşdırıb ki, müqavilələrdən biri keçmiş layihə operatoru “Saxalin Energy Investment Company” ilə bağlanıb, burada “Shell” 27,5 faiz minus bir paya malikdir.

Xarici səhmdarlar yeni müəssisədə əvvəlki paylarına bərabər pay almaq üçün müraciət etməyə dəvət olunublar. Rusiya bildirib ki, əks halda onların səhmləri hökumət tərəfindən Rusiya hüquqi şəxsinə satılacaq. Xarici şirkətlər yalnız layihənin icrası zamanı dəymiş ziyana görə kompensasiya müəyyən edilərək əvəzləşdirildikdən sonra öz paylarına görə vəsait ala biləcəklər. “Shell” yeni Saxalin-2 operatorunda iştirakdan imtina etdi.