"Fənərbağça"da mövsümün ən yaxşı futbolçularından biri olan İrfan Can Kahvecinin İspaniyanın "Sevilya" klubunun transfer siyahısında olduğu bildirilib.

İqtisadiyyat.az Türkiyə mətbuatına istinadən xəbər verir ki, “Fənərbağça”da çıxış edən İrfan Can Kahvecinin “Sevilya”nın radarında olduğu və hələlik rəsmi təklifin alınmadığı bildirilib.

Xəbərdə performansını yaxşılaşdıran Kahvecinin bu baxımdan çatışmazlığını aradan qaldırdığı və buna görə də İspaniya klubunun yenidən futbolçu ilə maraqlandığı bildirilib.

"Sevilya" 2020/2021 mövsümündə Kahveci ilə maraqlanıb. Lakin "Başakşehir"in yüksək transfer tələbi və futbolçunun o zaman tempi aşağı olduğu üçün onun Avropa klublarına keçidi baş tutmayıb.