Karyerasını yetişdiyi "Sevilya"da başa vurmaq istəyən Serxio Ramosa pis xəbər gəlib.
İqtisadiyyat.az xəbər verir ki, PSJ-dən ayrıldıqdan sonra heç bir komanda ilə razılaşmayan və yetişdiyi "Sevilya"ya qayıtmağı gözlənilən Serxio Ramosun bu planı məyusluqla yekunlaşıb. 37 yaşlı milli futbolçunun gözləntisinin özünü doğrultmayacağını vurğulayan “Sevilya”nın vitse-prezidenti Xose Maria del Nido Karrasko Ramosun transfer gündəmlərində olmadığını açıqlayıb.
Ramosun "Sevilya" üçün vacib bir oyunçu olduğunu vurğulayan KarrasKo, “Bu gün Serxio Ramos "Sevilya" üçün bir seçim deyil. O, bizim klubdan olan böyük futbolçu olsa da, onunla "Sevilya" arasında heç nə yoxdur" deyərək münasibət bildirib.
Digər tərəfdən, İspaniya mətbuatından "Marca" əfsanəvi müdafiəçinin MLS komandalarından biri olan "İnter Mayami"yə transfer oluna biləcəyini irəli sürüb.
MLS komandalarının yalnız üç oyunçu üçün müəyyən maaşdan yuxarı çıxa bilməsi və "İnter Mayami"nin Lionel Messi, eləcə də Jordi Alba və Serxio Busquets ilə müqavilə imzalaması bu transferi hələlik çətinləşdirir. Son vaxtlar futbol bazarına güclü giriş edən Səudiyyə Ərəbistanı komandalarının da maraq göstərdiyi Ramosun gələcəyinin qısa müddətdə bəlli olacağı gözlənilir.
