Səudiyyə Ərəbistanının vəliəhd şahzadəsi Məhəmməd bin Salman rəsmi səfərə getdiyi Fransada prezident Emmanuel Makronla görüşüb.

İqtisadiyyat.az xəbər verir ki, görüş zamanı ikitərəfli münasibətlər və regional sabitlik məsələləri müzakirə olunub.

Bin Salmanın səfərinin beynəlxalq balansların dəyişdirilməsi baxımından hər iki tərəf üçün əhəmiyyətli olduğu bildirilir.

Bu il ikinci dəfə Fransaya gedən vəliəhd iş yeməyində Fransa prezidenti Emmanuel Makronla görüşüb.

Ukrayna-Rusiya müharibəsindən tutmuş Livan böhranına qədər bir çox mühüm beynəlxalq məsələlər müzakirə olunub. 

Elize Sarayından verilən açıqlamaya görə, Fransa prezidenti üçün prioritet məsələ Rusiya-Ukrayna müharibəsi olub. Makronun tarixi böhrana sürüklənən Livanda yeni prezident axtarışına çarə tapmaq üçün vəliəhd şahzadədən dəstək alacağı gözlənilir.

Vəliəhdin Fransada bir həftədən çox qalması və iyunun 23-də Paris Sammitində iştirak etməsi planlaşdırılır.