Səudiyyə Ərəbistanı və Birləşmiş Ərəb Əmirlikləri (BƏƏ) Yaxın Şərqdəki ölkələri maksimum təmkinli olmağa çağırıb.

İqtisadiyyat.az xəbər verir ki, bununla bağlı birgə bəyanatı "Bloomberg" yayıb .

Məlumata görə, region müharibə təhlükəsi və onun dəhşətli nəticələrindən xilas olmalıdır.

Birgə bəyanat Səudiyyə Ərəbistanının vəliəhd şahzadəsi Məhəmməd bin Salman Əl Səud ilə BƏƏ prezidenti Məhəmməd bin Zayed Əl Nəhyan arasında telefon danışığından sonra verilib. Danışıqlara BƏƏ tərəfi başlayıb.

Tərəflər Yaxın Şərqdəki hadisələri və sabitlik üçün təhlükəli nəticələri müzakirə ediblər.

 

Gözəl Həşimova