Serbiya parlamentinin üzvləri səs çoxluğu ilə hakim Serb Tərəqqi Partiyasının sədri Miloş Vuçeviçin rəhbərlik etdiyi yeni hökuməti təsdiqləyiblər.
İqtisadiyyat.az xəbər verir ki, bu barədə parlament sədri Ana Brnabiç bildirib.
"Səsvermədə iştirak edən 213 deputatdan 152-si lehinə, 61-i əleyhinə səs verib, bitərəf qalan olmayıb, 37 deputat isə səsvermədə iştirak etməyib. Bildirirəm ki, parlament hökumətin proqramını təsdiqləyib və hökuməti təklif olunan tərkibdə seçib", - Brnabiç qeyd edib.
Martın 30-da Serbiya prezidenti Aleksandr Vuçiç müdafiə naziri Miloş Vuçeviçin baş nazir postuna namizədliyinin təsdiq edilməsi üçün parlamentə təklif edib. Martın 20-də Serbiyanın keçmiş baş naziri Ana Brnabiç respublika parlamentinin spikeri vəzifəsinə seçilib.
