Səhiyyə Nazirliyinin tabeliyində Səhiyyənin Təminat Mərkəzi qızılca və məxmərəyə qarşı liofilizə olunmuş canlı vaksin və şprislər sifariş edib.
İqtisadiyyat.az-ın əldə etdiyi məlumata görə, 10 dozalıq flakonda, dərialtı inyeksiya üçün vurulan vaksindən 3 min ədəd nəzərdə tutulub.
Həmin vaksinlərin həll edilməsi üçün 5 qramlıq 30 min ədəd şpris alınır.
Bundan əlavə, həmin vaksinin dəri altı inyeksiyasının aparılması üçün daha 30 min ədəd 5 qramlıq inyeksiya şprisinin də alınması nəzərdə tutulub.
Sözügedən vaksin və şprislərin satışını "Solamedical" şirkəti həyata keçirəcək. Nazirlik isə bunun müqabilində şirkətə 247.446 manat ödəniş edəcək.
Qeyd edək ki, son günlər Azərbaycanda uşaqlar arasında qızılcaya yoluxma və ölüm halları qeydə alınıb.
