“Səba” Açıq Səhmdar Cəmiyyətinin səhmlərini alan “Chicken Pro.” MMC nizamnamə kapitalını artırıb.
İqtisadiyyat.az xəbər verir ki, MMC nizamnamə kapitalını artıraraq 32 607 982 manata çatdırıb.
Xatırladaq ki, “Chicken Pro.” MMC bu ilin iyun ayında “Səba”nın təsisçiliyi ilə 26 500 000 nizamnamə kapitalı ilə yaradılıb. Daha sonra MMC “Səba”nın səhmlərini alıb. Şirkətin qanuni təmsilçisi Əliyev Abid Müstəqim oğludur.
İyul ayında “Chicken Pro.”nun nizamnamə kapitalında “Səba”ya məxsus payların satılması ilə bağlı yığıncaq keçirilib. Avqust ayında isə şirkət nizamnamə kapitalını 242 496 manat azaldaraq 32 103 459 müəyyən etmişdi.
