“Səba” ASC-nin səhmdarlarının növbəti ümumi yığıncağının gündəliyinə dəyişikliklər edilib.

İqtisadiyyat.az xəbər verir ki, iyunun 30-na təyin olunan ümumi yığıncağın gündəliyinə aşağıdakı məsələlərin müzakirəsi daxil edilib:

1. “Səba”nın ötən il üçün illik (maliyyə) hesabatları barədə.

2. “Səba”nın təsisçiliyi ilə yaradılmış törəmə cəmiyyətlərin nizamnamə kapitalındakı payların və “Səba”nın təsisçiliyi ilə yaradılmış törəmə cəmiyyətlərin təsisçiliyi ilə yaradılmış hüquqi şəxslərin nizamnamə kapitalındakı payların satılması, həmin hüquqi şəxslər olan cəmiyyətlərin əmlaklarının (əsas vəsaitlərinin və digər aktivlərinin) satılması haqqında.

3. “Səba”nın tək təsisçiliyi ilə yaradılmış törəmə cəmiyyət olan “Qarabağ Taxıl” MMC-nin mülkiyyətində olan əmlakların və hüquqların satılması nəticəsində əldə ediləcək vəsaitlərin istiqamətlərinin müəyyən edilməsi barədə;

4. “Səba”nın tək təsisçiliyi ilə yaradılmış törəmə cəmiyyət olan “Qarabağ Taxıl” MMC tərəfindən dividendlərin elan edilməsi barədə;

5. “Səba” ASC tərəfindən dividendlərin elan edilməsi barədə.

Qeyd edək ki, toplantı Yasamal rayonu, Cəfər Cabbarlı küçəsi, ev 60 ünvanında keçiriləcək.

​​​​Xatırladaq ki, “Səba” 1997-ci ildə dövlət qeydiyyatına alınıb.