İyunun 16-na keçən gecə Saxalin adasının cənubunda iki zəlzələ baş verib.

İqtisadiyyat.az xəbər verir ki, bu barədə "RİA Novosti"yə Yujno-Saxalinsk seysmik stansiyasının rəhbəri Yelena Semenova bildirib.

"Bazar günü gecə 4,1 bal gücündə ilk zəlzələ qeydə alınıb. Zəlzələnin episentri Aniva rayonunun Təranəi kəndindən 12 kilometr qərbdə, ocağı isə 7 kilometr dərinlikdə yerləşib. Əməliyyat məlumatlarına əsasən, Təranay, Oqonki və Aniva rayon mərkəzi kəndlərində 4 bala qədər, Nevelsk şəhərində 3 bala qədər hiss olunub", - Semyonova bildirib.

Onun sözlərinə görə, bir saat sonra həmin ərazidə 2,0 bal gücündə ikinci zəlzələ baş verib.

Öz növbəsində, Rusiya Fövqəladə Hallar Nazirliyinin regional xidməti qurbanlar və dağıntıların olmadığını, sunami təhlükəsi elan olunmadığını bildirib.