Səudiyyə Ərəbistanının neft şirkəti "Saudi Aramco"nun bu ilin birinci yarısında xalis mənfəəti ötən ilin eyni dövrü ilə müqayisədə 10% azalaraq 56,342 milyard dollar təşkil edib.

İqtisadiyyat.az xəbər verir ki, bu barədə şirkətin hesabatında deyilir.

Eyni zamanda, ikinci rübdə şirkətin mənfəəti birinci rüblə müqayisədə 7% artaraq 29,07 milyard dollara çatıb. İkinci rübdə "Saudi Aramco"nun neft satışlarının orta dəyəri bir barel üçün 83 dollardan 85,7 dollara yüksəlib.

Yanvar-iyun aylarında şirkətin sərbəst pul axını 41,7 milyard dollar təşkil edib. Şirkətin əsaslı xərcləri isə 16% artaraq 22,96 milyard dollara çatıb.

 

Gözəl Həşimova