Koreyanın “Samsung” şirkəti biləyə taxıla bilən smartfonun prototipini nümayiş etdirib.
İqtisadiyyat.az xəbər verir ki, bu barədə “SamMobile” məlumat yayıb.
“Cling Band” adlanan cihaz çevik “OLED” displey və yivli arxa panelə malikdir. Bu xüsusiyyətlər sayəsində cihazı bilərzik və ya ağıllı saat, eləcə də smartfon kimi istifadə etmək olar. O, ürək döyüntüsünü və digər tibbi göstəriciləri əks etdirə biləcək. “Cling Band"da həmçinin kamera və şarj üçün “USB-C” portu var. “Samsung” cihazın xüsusiyyətlərini və digər detallarını açıqlamayıb.
