İqtisadiyyat.az xəbər verir ki, bu barədə "Canalys" analitik şirkəti məlumat yayıb.
Bu dövr ərzində ümumilikdə 296,9 milyon smartfon satılıb ki, bu da ötən ilin eyni dövrü ilə müqayisədə 0,2% artım deməkdir.
"Samsung" bazarın 20%-nə sahib olaraq birinci yerdə qərarlaşıb. "Apple" isə 19%-lə ikinci pillədə qərarlaşıb.
Analitiklər qeyd edirlər ki, Apple-ın bu nəticəyə çatmasında mart ayında "iPhone" tədarükünün artması mühüm rol oynayıb. Üçüncü yer 14% bazar payı ilə Xiaomi-yə məxsusdur. İlk beşliyi isə hər biri 8% payla "Vivo" və "Oppo" tamamlayır.
Canalys-in proqnozlarına əsasən, sənayenin aparıcı şirkətləri ikinci rübdə tələbatın canlanacağını gözləyir. Anbar ehtiyatlarının azalması və yeni modellərin satışa çıxarılması əsas satış stimulları hesab olunur. Lakin $200–400 arası qiymət seqmentində rəqabət daha da güclənməkdə davam edir.
Analitiklər həmçinin qeyd edirlər ki, regional bazarlarda tələbat qeyri-bərabər inkişaf edir. Müsbət dinamika Çin və ABŞ bazarlarında müşahidə olunur. Bununla yanaşı, Hindistan, Avropa və Yaxın Şərqdə istehlakçı fəallığında azalma qeydə alınıb – alıcılar telefonlarını yeniləməyə daha ehtiyatla yanaşırlar.
