"Güzəştli ipoteka kreditlərini alanların siyahısını genişləndirsək, onda bu güzəşti itirəcəyik".
İqtisadiyyat.az xəbər verir ki, bunu Milli Məclisin Hüquq siyasəti və dövlət quruculuğu, Müdafiə, təhlükəsizlik və korrupsiya ilə mübarizə, İnsan hüquqları, Regional məsələlər komitələrinin birgə keçirilən iclasında maliyyə naziri Samir Şərifov deyib.
Nazir bildirib ki, gələn il dövlət büdcəsində də İpoteka Fonduna pul ayrılacaq: "Güzəştli krediti 4 %-lə verirlər. AMB-nin faiz dərəcəsi 7,5 %-dir. Ümumiyyətlə, burada uçot faiz dərəcəsi ilə güzəştli ipoteka arasında müəyyən əlaqə olmalıdır. Pulun müəyyən dəyəri var. Dövlətin gəlirləri müəyyən mənbələrdən təmin olunur. Biz gəlirlərimizin artırılması istiqamətində çalışmalıyıq. Bu vacib vəzifədir", - nazir əlavə edib.