Salyan rayonunda bir küçənin təmiri yarım milyon manata başa gələcək.

İqtisadiyyat.az-ın əldə etdiyi məlumata görə, şəhərin Ağaxan Ağabəyli küçəsində təmir-bərpa işləri aparılacaq.

Küçədə təmir işlərinin həyata keçirilməsi “Dirçəliş-14” şirkətinə həvalə olunub. Bunun müqabilində Salyan Rayon İcra Hakimiyyəti sözügedən şirkətə 496.799,52 manat ödəniş edəcək.

Bundan əlavə, X.Ulutürk küçəsi 93 ünvanında yerləşən birmərtəbəli yaşayış binası da təmir olunacaq. Buradakı təmir işlərini də “Dirçəliş-14” şirkəti həyata keçirəcək. Binadakı təmir-bərpa işlərinə görə isə şirkətə 580.001,35 manat ödəniləcək.

Beləliklə, Salyan RİH iki tender üzrə həmin şirkətə 1 milyon manatdan artıq vəsait ödəyəcək.