“Bakı Tikinti Konstruksiyaları” ASC ləğv edilib.

İqtisadiyyat.az-ın əldə etdiyi məlumata görə, bununla bağlı şirkət özü elan edib.

Qeyd edək ki, əvvəllər “Bakı Tikinti Konstruksiyaları” şirkətinin təşkilati-hüquqi forması QSC olub. Ötən ilin oktyabr ayında səhmdarları bir araya gələrək bu formanı ASC-yə dəyişdiriblər.

Şirkətin Azərbaycan Avtomobil Yolları Dövlət Agentliyinin (AAYDA) İdarə Heyətinin sədri Saleh Məmmədovun sabiq müşaviri Şahin İbadova məxsus olduğu bildirilir. Mətbuatda bununla bağlı mütəmadi materiallar dərc olunub. O, bir müddət əvvəl vəzifəsindən azad edilib.

Xatırladaq ki, bir müddət əvvəl şirkətin ləğv olunacağı ilə bağlı iqtisadiyyat.az saytında məlumat dərc olunub.