İqtisadiyyat.az xəbər verir ki, bu barədə Azərbaycan Metrologiya İnstitutundan bildirilib.

Görüş zamanı AzMİ-nin nəzdində fəaliyyət göstərən sınaq və yoxlanılma laboratoriyaları ilə bağlı videoçarx nümayiş etdirilib. Daha sonra sahibkarlara İnstitutun fəaliyyət istiqamətləri, mövcud infrastruktur, ölçmə və kalibrlənmə imkanları, o cümlədən metroloji xidmətin zəruri olduğu sahələr və beynəlxalq əməkdaşlıqlar haqqında məlumat verilib.

Görüş çərçivəsində sahibkarların təklifləri dinlənilib, həmçinin onları maraqlandıran suallar cavablandırılıb.

Qeyd edək ki, AzMİ tərəfindən metroloji xidmətlərlə bağlı sahibkarların məlumatlılığının artırılması, eləcə də əməkdaşlıq əlaqələrinin genişləndirilməsi məqsədilə dialoq görüşləri davam etdiriləcək.