Cari ilin yanvar-avqust aylarında Azərbaycanda magistral qaz kəmərləri ilə 26 476,3 mln. kubmetr qaz nəql edilib və əvvəlki ilin göstəricisinə nisbətən 2,3% azalma müşahidə olunub.

Dövlət Statistika Komitəsindən İqtisadiyyat.az-a verilən məlumata görə, qaz nəqlinin 56,2%-i Bakı-Tbilisi-Ərzurum Cənubi Qafqaz boru kəməri vasitəsilə həyata keçirilib.

Bu boru kəməri vasitəsilə “Şahdəniz” qaz-kondensat yatağında hasil edilən qaz ixrac edilir.

Belə ki, hesabat dövründə bu kəmərlə 14 875,8 mln. kubmetr qaz ötürülüb (2%-lik artım).