Konfrans Liqasının 2-ci təsnifat mərhələsinin “Sabah” – “Makkabi” (Hayfa, İsrail) oyununa bilet satışları davam edir.

İqtisadiyyat.az Bakı klubunun mətbuat xidmətinə istinadən xəbər verir ki, artıq 4500 bilet satılıb. “Sabah”ı stadiondan dəstəkləmək istəyənlər biletlərini “iticket.az” saytından, həmçinin “Bank Respublika Arena” stadionunun kassalarından, “iticket”in “28 Mall” və “Gənclik Mall”dakı satış məntəqələrindən əldə edə bilərlər.

Qeyd edək ki, “Sabah” – “Makkabi” matçı avqustun 1-də keçiriləcək. Səfərdəki ilk qarşılaşmasda Azərbaycan komandası 3:0 hesablı qələbə qazanıb.