Bu ilin yanvar ayında Rusiyanın xarici ticarət dövriyyəsi 48,7 milyard dollar təşkil edib ki, bu da ötən ilin yanvar ayı ilə müqayisədə 12,8% azdır.

İqtisadiyyat.az xəbər verir ki, bu barədə ölkənin Gömrük Xidməti məlumat yayıb.

Hesabat dövründə Rusiyanın ixracı illik müqayisədə 14,2% azalaraq 28,7 milyard dollar, idxalı isə 10,6% azalaraq 20 milyard dollar olub. Bu il Rusiyanın əsas ticarət tərəfdaşları Asiya regionu ölkələri olub.

Yanvarda Rusiya ən çox mineral məhsullar ixrac edib, onların tədarük həcmində payı 61,2% təşkil edib.

Xatırladaq ki, bu ilin yanvar ayında Azərbaycanla Rusiyanın ticarət həcmi 264,8 milyon dollar olub.

 

Gözəl Həşimova