Oktyabrın 4-də Rusiyanın xarici işlər naziri Sergey Lavrov Azərbaycanın Moskvadakı səfiri Rəhman Mustafayevlə görüşüb.
İqtisadiyyat.az xəbər verir ki, Sergey Lavrov strateji tərəfdaş və müttəfiq olan dost dövlətin diplomatik missiyasının rəhbərini səmimiyyətlə qarşılayıb və ona fəaliyyətində uğurlar arzulayıb.
Daha sonra Rəhman Mustafayev Rusiya xarici işlər nazirinin müavini Mixail Qaluzin ilə görüşüb, səfir etimadnaməsinin surətlərini ona təqdim edib.
“Görüş zamanı Rusiya-Azərbaycan münasibətlərinin davamlı inkişafı təsdiq edilib və ikitərəfli gündəmin bəzi aktual mövzuları müzakirə olunub. Ən yaxın dövrlərdə dövlətlərarası təmasların qrafiki nəzərdən keçirilib”, - deyə məlumatda bildirilib.
