Rusiyaya qarşı sanksiyalar ölkənin təbii qaz hasilatına da zərbə vurub.
İqtisadiyyat.az xəbər verir ki, Rusiya Federal Statistika Təşkilatının (Rosstat) açıqladığı məlumatlara görə, ölkənin təbii qaz hasilatı iyunda əvvəlki ayla müqayisədə 12,5 faiz azalaraq 34,6 milyard kubmetrə düşüb.
Rusiyanın təbii qaz hasilatı birinci yarımillikdə isə əvvəlki ilə nəzərən 14,9 faiz azalaraq 267 milyard kubmetrə, mayeləşdirilmiş təbii qaz (LNG) istehsalı da 4,5 faiz azalaraq 16 milyon tona düşüb.
Xatırladaq ki, Ukrayna müharibəsi və sanksiyalara görə bir çox Avropa ölkəsi Rusiyadan təbii qaz idxalını dayandırarkən, bəzi ölkələr də bunu əhəmiyyətli dərəcədə azaldıb.
