Moskva ilə İrəvan arasında birbaşa dialoq nəticəsində qərara alındı ki, "normal müttəfiqlik münasibətlərinə” qayıtmaq yeganə ağlabatan həll yoludur.
İqtisadiyyat.az xəbər verir ki, bu barədə çərşənbə günü, aprelin 3-də, Rusiya Federasiyası ilə Ermənistan arasında diplomatik münasibətlərin qurulması günündə Rusiyanın Ermənistandakı səfirliyi məlumat yayıb.
"Əminik ki, Moskva ilə İrəvan arasında birbaşa dialoq nəticəsində yığılmış disbalansın düzəldilməsi və "normal müttəfiqlik vəziyyətinə" qayıtmaq təkcə mümkün deyil, həm də yeganə ağlabatan həll yoludur", - deyə bəyanatda bildirilir.
Mesajda həmçinin qeyd olunur ki, Rusiya və Ermənistan ümumi inteqrasiya birliklərinin (Aİİ, KTMT və MDB) üzvləridir və BMT strukturlarında əməkdaşlıq edirlər. İki ölkə arasında müxtəlif sahələrdə 200-ə yaxın əməkdaşlıq sazişi mövcuddur.
"Rusiya müttəfiqi və mühüm tərəfdaşı kimi Ermənistanla dostluq əlaqələrinin möhkəmlənməsinə həmişə xüsusi önəm verib", - bəyanatda deyilir.
