Rusiyanın ən zəngin iş adamlarının sərvəti bu ilin əvvəlindən 11,084 milyard dollar artıb.

İqtisadiyyat.az xəbər verir ki, bu barədə "Bloomberg Milyarderlər İndeksi" məlumat yayıb.

Məlumata görə, ilin əvvəlindən "Eurochem" və "SUEK"in həmtəsisçisi Andrey Melniçenko 3,86 milyard dollar qazanıb və onun sərvəti 22,7 milyard dollar təşkil edib.

Hesabat dövründə "Severstal"ın əsas səhmdarı Aleksey Mordaşovun sərvəti 2,08 milyard dollar artaraq 23 milyard dollara çatıb. Azərbaycanlı iş adamı Vahid Ələkbərovun isə sərvəti 1,51 milyard dollar artaraq 26,2 milyarda çatıb.

Eyni zamanda, "NLMK"nın direktorlar şurasının sədri Vladimir Lisinin sərvəti 1,49 milyard dollar artaraq 25,4 milyard dollar olub.

 

Gözəl Həşimova